سنة تانية

من WikiBal6o

اذهب إلى: إبحار, بحث

محتويات

introduction

سنة تانية واحدة من أهدى و أسهل سنين الكلية إن لم تكن اسهلها على الاطلاق

  • ممكن جدا تعمل فيها قفزة فى تقديرك أو ترتيبك فى أولى
  • من أكتر السنين اللى ممكن تستمتع فيها بحاجات تانى جنب الدراسة ، بس تأتى فى المقام التانى بعد المذاكرة عشان متقلبش دراما
  • الوحيدة اللى بتتوافر فيه ميزة انك درست نفس المواد فى سنة سابقة ليها ، وعارف سياسات الأقسام و الخطوط العريضة فى المواد
  • سنة أكاديمية .. بتدرس فيها basic science .. آخر سنة بتتعامل مع الجسم فى حالتة السليمة ، بعد كده كل المرض بيهل
  • متنتظرش منها إنها تحسسك بنفسك كدكتور .. بس أنت هتخرج منها بحاجة مهمة أوى:

تدريب مبدئي على المذاكرة بطريقة الشبكة ... كل مادة هتلاقى فيها برانشات متداخلة ... و المواد كلها هتلاقيها متداخلة

  • يعنى البيو مثلاً كله سلسله واحدة متصلة عبارة عن ال metabolism للمواد الغذائية المختلفة فى الخلية وإزاى الجسم يتعامل معاها فى انتاج طاقة أو تخزينها
  • ال 3 مواد التانيين هتلاقى أكبر تكامل و تداخل - واحياناً قليلة تعارض - بين الفروع اللى بتدرس الجهاز العصبى

-هتلاقى النيورو انتومى مع السي ان اس فسيو مع الترم التانى هستو مفتحين على بعض

-الريبروداكشن فسيو مع ال male & female هستو وهلم جراً يعني ممكن تدخل اول السنة مش فاهم حاجات كتيرة حتبدأ تفهمها في النص التاني من السنة لان المواد زي ما قلنا متكاملة ومتداخلة.

بس هتيجى عليك أوقات ، تقول فيها مين ده اللى قال على سنة تانية سنة فاضية ؟؟؟!!!!! الأوقات دى هى الشهرين اللى قبل الامتحان والأسابيع اللى هتلاقيها فيها اكتر من امتحان تقييمي مع بعض، في الحالة دي يفضل انك تنسق بين المذاكرة للامتحان ومذاكرة اللي بتاخذه في المحاضرات او الدروس والا حتلاقي الدنيا اتكركبت على دماغك

موقع الكلية

http://mic2.shams.edu.eg/moodle/index.php الموقع ده بتاع الكلية نفسها هيديكوا username و password علشان تدخلوا عليه

المواد و الدرجات

نفس المواد الرئيسية في سنة اولى

physiology 2 من 250 درجة

Anatomy 2 من 250 درجة

Biochemistry 2 من 150 درجة

Histology 2 من 150 درجة

Psychology من 50 درجة

المجموع 850 درجة

المحاضرات:

  • الدفعة هتتقسم 3 مجموعات
  • كل مجموعة هتاخد محاضراتها في وقت مخصوص ليها وبعديها المجموعة التانية وبعديها المجموعة التالتة وهكذا
  • بحيث المادة الواحدة محاضراتها هتتعاد 3 مرات في اليوم
  • المحاضرات بتتشرح في مدرج 2 اللي في الدور التالت فى مبنى مجمع المدرجات الجديد خلف مسجد الزهراء
  • عدد الطلبة في المحاضرة هيتراوح مابين 400 ال 600 نظريا :D

physiology 2 - علم وظائف الاعضاء

علم وظائف الاعضاء أحد مواد سنة تانية و برضو بدأتها في سنة أولى

المادة حجمها كبير زي الاناتومي كدة بس مادة في قمة الذاذة

هتحس بعد لما تدرسها انك دكتور بجد لانك هتكون درست اهم systems في جسم الانسان

اهم شئ انك تذاكرها بفهم شديد لانك لو حفظتها هتتعب كتير

روح physiology 2 علشان تعرف تفاصيل أكتر عن كل العناوين اللي تحت دي

  • القسم
  • المحاضرات
  • السكاشن
  • العملي و الامتحان
  • ازاي تذاكر
  • تذاكر منين و الكتب
  • الدروس
  • البحث
  • البرانشات
  • الدرجات
  • وده قسم الفسيولوجي في المنتدى علشان تعرف كل الاخبار و تلاقي التسجيلات :)

Anatomy 2 - التشريح

Anatomy 2التشريح تاني مادة كبيرة محتاجة صور كتييير وتخيل كتير علشان تفهم و تستمتع روح Anatomy 2 لو عاوز تعرف كل حاجة عن الاناتومي وتفاصيل العناوين اللي تحت دي

  • القسم
  • الادوات اللي انت محتاجها
  • الشباتر اللي هتدرسها
  • الكتب ومصادر المذاكرة
  • المحاضرات ومين بيدخل فيها
  • السكاشن وامتحان العملي
  • الدروس مين بيديها ومين احسن
  • ازاي تذاكر
  • توزيع الدرجات
  • وده قسم الأناتومي في المنتدى علشان تعرف كل الاخبار و تلاقي التسجيلات :)

Biochemistry 2 - الكيمياء الحيوية

احد المواد اللذيذة هتاخد فيها الmetabolism بتاع اغلب المركبات جوا الجسم ازاي تتبني بعدين تستخدم وفي الاخر تتكسر روح Biochemistry 2 علشان تعرف عن

  • القسم
  • توزيع الدرجات
  • مصادر المذاكرة
  • المحاضرات
  • العملي
  • الدروس
  • المذاكرة

Histology 2 - علم الانسجة

هتدرس systems بس و علشان تعرف عن الهستولوجي روح Histology 2 وهتعرف كمان

  • القسم
  • توزيع الدرجات
  • مصادر الدراسة
  • المناهج
  • المحاضرات
  • العملي
  • الدروس
  • المذاكرة
  • وده قسم الهستولوجي في المنتدى علشان تعرف الاخبار اول باول والتسجيلات وتلاقي صور

Psycology

علم النفس ... المادة الفرعية للفرقة الثانية فى مقابل الانجليزية للفرقة الأولى

درجاتها

50 درجة ، تضاف للمجموع السنوى والتراكمى 40 منها للامتحان النظرى و ال MCQs 5 منها للبحث .. بيتقدم فى سكرتارية القسم و 5 على غياب المحاضرات

المحاضرات

محاضرة واحدة أسبوعياً مدتها ساعة حضورها بيريحك فى مذاكرة المادة آخر السنة ، لأنك غالبا هتبدأ مذاكرتها فى الوقت اللى هتكون المواد الكبيرة كلها خلصت و عايز تقفل مذاكرتها ، يعنى عز الزنقة

  • متفوتش محاضرات personality disorder غالبا اللى بيشرحها دكتور طارق عكاشة ، وبتكون ممتعة جدا
  • متفوتش محاضرات المراجعة عشان بيدخلها دكاترة كبار جدا فى القسم ، كلامهم قيم علمياً و امتحانياً

لا سكاشن

مصادر المذاكرة

  • كتاب القسم: مهم عشان ورقة ملونة أتاكد إنك خدتها معاه ، دى لازم تسلمها مع البحث اللى هتعمله ولا يقبل البحث بدونها
  • مذكرة القسم : بتنزل فى آخر السنة ومش بيخرج منها الامتحان التحريرى ،فيها شوية MCQs بس قليلين وبيجي شوية حاجات براهم

ورق درس دكتور هانى الحناوى ، مهم بالنسبة للام سي كيو جدا مش للتحريرى

الدروس دكتور هاني الحناوي بيدي اخر السنه 3 حصص بيشرح فيهم علم النفس كله بطريقه لذيذه جدا تفضل تضحك طول الحصه


المذاكرة

مش بتتذاكر من أول السنة ، بس حضور المحاضرات من أول السنة هيفيدك حوالى عشرين سؤال فى مذكرة القسم مش بيخرج منهم الامتحان الام سي كيو مشكلته هتتحل بحضور المحاضرات و كونك سمعت الكلام ده قبل كده ، ان لم يكن ف ام سي كيو دكتور هانى الحناوى ان لم يكن ، إقرا المواضيع المهمة بسرعة من كتاب القسم ... مهمة بمعنى انك مقريتهاش قبل كده فى مذكرة القسم ، ركز على الحاجات اللى عبارة عن نقط محددة

البحث

  • مواضيعه موجودة فى الورقة الملونة المرفقة مع الكتاب
  • عليه خمس درجات
  • مهم بس متضيعش فيه وقت كتير
  • بيتم تقسيمكم الى مجموعات وكل مجموعة ليهم موضوع معين
  • بتملى بياناتك في الورقة اللي كانت في كتاب القسم و بتسلمها عشان تاخد درجات البحث
  • بيكون مكتوب فيها لستة بالمواقع اللي ممكن تدخلوا عليها
  • اخر معاد لتسليم البحث مكتوب برضه في الورقة
  • اهتموا بالبحث لأنكو بتناقشوه فعلا ...
  • بتاخدوا نمر الدكاترة و تحددوا معاهم معاد و لازم كل مجموعة يكون ليها ليدر ..هو اللي ينوب عن المجموعة في التخاطب مع الدكتور المشرف عليكو....
  • وكل شوية لازم يتابع مع الدكتور لان الدكتور بيعدل حاجات في البحث وشئ كويس انه ميعدلكش كتير
أدوات شخصية