شئون الطلبة

من WikiBal6o

اذهب إلى: إبحار, بحث

محتويات

Introduction:

  • التعامل مع شئون الطلبة بيكون من الشباك
  • حاول تتصرف بهدوء وذوق مع الموظفة .. الدفعة عددها كبير وضغط الشغل اول السنة بيبقى جامد
  • لو عندك وقت فاضي ممكن تدخل تساعد في التنظيم في شئون الطلبة علشان فعلا الضغط بيبقى جامد خصوصا اول السنة


رقم تليفون شئون الطلبة:

24821894


24821948

المصاريف وكارنيه الكلية

  • بتروح شئون الطلبة التابعة للسنة الدراسية بتاعتك
  • تاخد اذن دفع المصاريف + مصاريف الكارنيه
  • تروح الخزنة تدفع وتاخد وصل المصاريف
  • وصل المصاريف مهم جدا وهتستخدمه في معظم الورق اللي هتقدمه لشئون الطلبة بعد كده مينفعش يضيع منك
  • تروح شئون الطلبة وتديهم وصل المصاريف وصورتين
  • ترجعلهم بعد يومين او اسبوع وتستلم الكارنيه
  • سنة اولي بتستلم الكارنيه مش من شئون الطلبة بتستلمه تحت مدرج المحلاوي من مكتب مصر للطيران (اوضه كده واجهتها ازاز قصاد بنك مصر)


اشتراك مترو او القطر

  • بتروح شئون الطلبة التابعة للسنة الدراسية بتاعتك
  • بتاخد اذن دفع لمصاريف اشتراك المترو - 10 جنيه ...ممكن تعمله مع اذن دفع المصاريف والكارنيه في اذن دفع واحد
  • بتجيب ورقة اشتراك المترو من المترو او ورقة اشتراك القطر من القطر وتلزق عليها طوابع البوستة .. بتجيبها من الدادة اللي في الخزنة
  • تملا ورقة الاشتراك وتقدمها مع وصل المصاريف ووصل اشتراك المترو وصورتين وتديها لموظفة شئون الطلبة
  • ترجع بعد يومين تلاتة او اسبوع _حسب الضغط _ تاخد ورقة الاشتراك بعد ما تتختم والصورة كمان تتختم
  • تاخد منها وصل المصاريف وتروح محطة المترو او القطر عند شباك الاشتراكات تدفع رسم الاشتراك وتاخد اشتراك المترو بتاعك اللي بيقعد 3 شهور وبعد كده تجدده من المترو على طول ومترجعش لمشوار شئون الطلبة تاني.


ورقة اثبات القيد

  • اكتب ورقة طلب اثبات القيد متعلقة في شئون الطلبة.
  • خد اذن دفع من شئون الطلبة وروح ادفعه في الخزنة.
  • استلم طلب اثبات القيد بعد يومين من شئون الطلبة.

اعادة رصد الدرجات - التظلم

  • بتروج لشئون الطلبة التابعة للسنة اللي امتحنت فيها الامتحان ده
  • طلب التظلم او اعادة رصد الدرجات بيكون بعد الامتحان باسبوع وبيستمر لمدة اسبوعين بعديها وبعدين بيتقفل
  • بتطلب من الموظفة ورقة اعادة رصد الدرجات
  • بتاخد منها اذن دفع مصاريف اعادة رصد الدرجات - 25 جنيه
  • بتروح تدفعه في الخزنة
  • تاخد وصل الدفع من الخزنة وتقدمه مع ورقة اعادة رصد الدرجات اللي اخدتها من شئون الطلبة ومليتها وتديها تاني للموظفة
  • نتيجة التظلم بتطلع بعد اسبوعين من تقديمها


المدينة الجامعية

شروط القبول بالمدينه الجامعية :

  1. ان يكون الطالب من غير سكان القاهرة الكبري
  2. ان يكون حاصلا علي الثانوية العامه من خارج القاهرة الكبري
  3. ان يكون مسددا للرسوم الدراسيه


المستندات المطلوبه :

  1. استيفاء طلب الالتحاق بالمدينة الجامعية بكافة الرسوم والدمغات
  2. بطاقة الرقم القومي اصل وصورة
  3. صورة من بطاقة الرقم القومي لولي الامر
  4. ايصال حديث لفاتورة الكهرباء او الماء او الغاز تثبت السكن
  5. بطاقة الترشيح اصل وصورة
  6. عدد 22 صورة حديثة 4*6
  7. اجتياز الكشف الطبي واجراء التحاليل الطبيه اللازمة لدي ادارة المراقبة الطبية

جواز السفر

  • بتجيب ورقة جواز السفر من البوسطة.
  • بتقدم 4 صور.
  • بتاخد اذن دفع من شئون الطلبة وتروح الخزنة تدفع 15 جنيه رسوم جواز السفر.
  • لو ولد بتقدم معاها ورقة تأجيل الجيش.

تأجيل الجيش التربية العسكرية

  • بتجيب استمارة 2 جند من القسم اللي بطاقتك طالعة منه ب 1 جنيه
  • بتجيب استماره تانية من التجنيد اللي في الحلمية .. تقوله عاوز استمارة تأجيل الجيش التربية العسكرية بيكون لونها روز ب 1 جنيه
  • بتملاهم وتروح شئون الطلبة تقدمهم.

تأجيل امتحان نص السنة

  • لما بتأجل امتحان نص السنة مش بتمتحنه تاني لأ بيتحسب ليك نسبة من امتحان اخر السنة.
  • تأجيل امتحان نص السنة عموما مش حلو علشان بينقص الدرجات جامد في اخد النسبة يعني محدش يعمله غير وهو مضطر جدا.
  • بتروح شئون الطلبة بتاعت سنتك وتاخد من هناط ورقة طلب التأجيل واذن الدفع
  • بتروح الخزنة تدفع رسم التأجيل ويكون 20 جنيه لكل امتحان هتأجله.
  • ترجع شئون الطلبة وتملى ورقة طلب التاجيل باسمك والمواد اللي عاوز تأجل امتحانها وتحط معاها وصل فلوس التأجيل اللي دفعتها في الخزنة وتقدمهم لموظفة شئون الطلبة بتاعت سنتك.
  • كده تبقى اجلت امتحان نص السنة خلاص بس ينفع تمتحنه وتلغي التأجيل بس غالبا مش هتاخد فلوسك تاني.

تأجيل امتحان اخر السنة

  • تأجيل امتحان اخر السنة بحيث تمتحنة مع الدور التاني بس يتحسبلك الدرجات عادي كأنك بتمتحن الدور الاول .
  • لما بتأجل الامتحان بتمتحن النظري النظري في الدور التاني وبتعيد امتحان الشفوي والعملي تاني في الدور التاني بس مش بتعيد امتحانات اعمال السنة.
  • بتروح شئون الطلبة بتاعت سنتك وتاخد من هناك ورقة طلب التأجيل واذن الدفع
  • بتروح الخزنة تدفع رسم التأجيل ويكون 100 جنيه لكل امتحان هتأجله.
  • ترجع شئون الطلبة وتملى ورقة طلب التاجيل باسمك والمواد اللي عاوز تأجل امتحانها وتحط معاها وصل فلوس التأجيل اللي دفعتها في الخزنة وتقدمهم لموظفة شئون الطلبة بتاعت سنتك.
  • كده تبقى اجلت امتحان اخر السنة خلاص بس ينفع تدخل تمتحنه وتلغي التأجيل بس غالبا مش هتاخد فلوسك تاني.
  • لو دخلت الامتحان ومضيت حضور تأجيلك كده اتلغي ومينفعش تأجل حتى لو مكتبتش حاجة في الورقة.

شهادة التخرج + الملف

أدوات شخصية