Chapters in detail

من WikiBal6o

اذهب إلى: إبحار, بحث

المنهج عبارة عن كتابين:

الأول جنيرال

وبناخد فيه الحاجات العامة للأمراض (بصرف النظر عن هي بتحصل فيه بالضبط)

  • يعني هنبدأ بالالتهاب inflammation هناخد كل حاجة عنها (علشان في كل جزء من الجسم بيحصل فيه التهاب) ، ولما نيجي في الكتاب التاني systemic هناخد كل سيستيم لوحدة ونعرف الالتهاب اللي بيحصل في كل جزء (كلام اغلبه بيبقى معروف من الجنيرال)

علشان كده الجنيرال ده أساس الباثولوجي

بعد كده هناخد التصليح قصدي يعني healing : بتاج جرح - كسر - أي حاجة يعني ، انشالله حصلها التهاب بتتصلح ازاي (سهل لا تقلقوا حاجة بسيطة وصغيرة)

  • بعد كده شاتر صغير قوووووووووي اسمه bacterial infection وده بناخد تأثير البكتيريا أو سمومها على الجسم (عموما بدون تفاصيل) علشان لما تيجي بعدين نكون عارفين ايه اللي حصل في الجسم
  • بعد كده شابتر (المفروض يبقى أول واحد) اسمه cell injury وده بياخد أي حاجة بتأثر على الخلية : هل هتموت ؟؟ هتتكيف ؟؟؟ هتتكاثر ؟؟؟ هتكبر ؟؟ هتتراكم مادة معينة فيها ؟؟

كده يعني وده المفروض الأول علشان ده الأساس بعد كده بيحصل للجزء ده التهاب ويكون عرضه للبكتيريا لو محصلهوش healing (عرفتوا الدنيا ماشية ازاي ؟؟؟ )

  • بعد كده ندخل في الجد

شابتر مهم قوووووووي اسمه granuloma (وده عبارة عن أي التهاب مزمن عمل mass لكن مش ورم) بكل بساطة يعني كده من غير تفاصيل

هناخد فيه الحاجات اللي بتعمل كده وبتفاصيل بقى زي مرض السل TB مثلا بعمل ماس في الرئة ومش ورم ............. وهلم جرا

  • بعد كده فيه شابتر عن الطفيليات اللي بتدخل الجسم (بلهاريسيا مثلا ، مش عارف إيه) حاجات هبلة كده سهلة إن شاء الله
  • بعديها ندخل على شابتر مهم جدا (للي بيحبوا القلب والاوعية الدموية) هناخد اللي ممكن يحصل في الجهاز الدوري الدموي والمشاكل اللي فيه

جلطة مثلا .. انسداد وتأثيراته ... أي حاجة زي كده يعني الشابتر ده مهم قوي لفهم شابتر ال CVS في الكتاب التاني السيستيميك

  • بعد كده عندنا شابترين زغننين (تابع لل cell injury ) .......... ملهومش لزمة قوي يعني هتعرفوهم بعدين


  • آخر حاجة ......... شابتر الأورام

من أول ما بيحصل تغير في الخلية كده وتتحول تبقى مجنونة .. الحميدة والخبيثة وأنواعها والفروقات وحاجات كتير كده

شابتر مهم قوي قوي قوي قوي قوي ............... وكل حاجة بعد كده في الكتاب التاني هناخد الورم اللي بيحصل فيها ونوعه وتفاصيله (ونصها بيبقى في الشابتر ده)

مهم قوي

الكتاب التاني ده بقى السيستيميك

ده بناخد فيه شابتر شابتر (من بتوع الفسيولوجي دول ) وكل واحد نعرف فيه إيه اللي بيحصل لكل عضو فيه التهاب - جرانيولوما - ورم - أي حاجة يعني من اللي خدناها في الجنيرال بس بتخصص شوية وشوية تفاصيل ......... لكن الأساس هو الجنيرال

  • هنبدأ CVS ناخد فيه كل حاجة من المشاكل اللي بتحصل في القلب (جلطة - ذبحة .... أي حاجة يعني) مرورا بالأوعية الدموية (تصلب الشرايين مثلا) والضغط وحاجات كده يعني

وطبعا كله من وجهة نظر باثولوجية (هناخد المرض وسببه وازاي بيحصل والتغييرات اللي بتحصل على العضو من برة بالعين المجردة وتحت المايكروسكوب وأنواعه واعراضه والمشاكل المترتبة عليه)

وزي ما قلت مش شرط كل ده نعرفه عن المرض فيها حاجات مش مهم السبب وفيه حاجات ملهاش أنواع وفيه حاجات مش لازم تعرف شكلها من برة إيه ........... كده يعني

  • بعد كده هناخد شابتر Respiratory

نفس الكلام (عضو عضو من أول الحنجرة لغاية الرئة) كل عضو هناخد (الالتهاب - الورم - أو أي مرض تاني كده ليه علاقة بالجزء ده) هناخد ال asthma وهناخد الالتهاب الرئوي والشعبي وأورام الرئة والحنجرة وزي ما قلنا في CVS نفس الكلام اللي بناخده عن كل مرض

  • بعد كده شابتر ال urinary الكلية بقى والمثانة وكل حاجة متعلقى بيهم زي اللي فات يعني
  • وبعدين ال male
  • وبعديه ال famale وال breast
  • وبعديه ال GIT
  • وبعديه الLiver , gall bladder , pancreas
  • وبعديه ال bone , joints
  • وبعديه CNS
  • وبعدين ال glands
  • والspleen , blood


وبس كده ..............


طيب هل كلهم بنفس الأهمية ؟؟؟ ولا فيه حاجات مش مهمة قوي ؟؟

نيجي بقى نشوف المهم من اللي نص ونص ومن اللي أي كلام

أولا الجنيرال: كله مهم لأنه الأساس يعني (بالنسبالي يعني) بس طبعا اهم حاجة فيه شابتر الtumors الأورام ............. والجرانيولوما ....... والشباتر الأولى يعني بعد كده ييجي شباتر ال circulatory disturbance وده زي ما قلت مهم قوي لل CVS والباقي بنفس الأهمية

بالنسبة للحجم طبعا الكبير الأورام وبعديه الجرانيولوما ............ والباقي من الحجم المتوسط والصغير

السيستيميك أهم حاجة فيه: CVS Resbiratory Kidney Female Breast Liver اجزاء كده من ال GIT Bone الباقي أقل اهمية

بالنسبة بقى للحجم طبعا ال CVS محترم (طول عمره) والشباتر اللي قلتلكم عليها مهمة دي كبيرة يعني نسبيا

لكن الباقي ده صغير قوي ........... يعني كل 3 أو 4 شباتر بواحد من الكبار ........... يعني لاتقلقوا منهم ان شاء الله المهم الكبار دول دول عليهم اغلب الدرجات ان شاء الله

أدوات شخصية